Сёння ў гарадскім пасёлку Лагішын адбылося падвядзенне вынікаў абласнога краязнаўча-турыстычнага конкурса «Магія Палесся», прысвечанага памяці вядомага краязнаўцы, экскурсавода, падарожніка і фатографа Аляксея Дуброўскага.

Конкурс быў арганізаваны Рэспубліканскім фондам развіцця турызму і падтрымкі дзікай прыроды «Планета без межаў» і Беларускім грамадскім аб’яднаннем экскурсаводаў і гідаў-перакладчыкаў пры падтрымцы Пінскага райвыканкама.

У конкурсе ўзялі ўдзел больш за 100 юных жыхароў Брэсцкай вобласці. Спаборнічалі  яны ў шасці намінацыях – краязнаўства, экалогія, этнаграфія і фальклор, турызм і экскурсіі, фатаграфія і малюнак.

Лаурэатамі і пераможцамі сталі прадстаўнікі 12 школ Пінскага раёна. Дыпломы і падарункі дзецям ўручылі заснавальнік інфармацыйнага партала planetabelarus.by, кіраўнік Рэспубліканскага фонду развіцця турызму і падтрымкі дзікай прыроды «Планета без межаў» Сяргей Плыткевіч, аўтар цэлага шэрагу кніг пра Пінск і Палессе, экскурсавод Таццяна Хвагіна, а таксама намеснік старшыні Пінскага  райвыканкама Дзмітрый Палхоўскі і начальнік аддзела па адукацыі Пінскага райвыканкама Віктар Гаўрыловіч.

Падрабязнасці чытайце ў бліжэйшых выпусках “Палескай праўды”

Фота Наталлі МІЛЕЎСКАЙ